ટેલિગ્રામમાં નાઇટ મોડ કેવી રીતે ચાલુ કરવો? [સ્ક્રીનશોટ સાથે રીત]

ટોપ મેસેંજિંગ એપમાં વોટ્સએપની સાથે ટેલિગ્રામનું નામ જરૂર આવે છે કારણ કે ટેલિગ્રામમાં આપણને ખૂબ સારા અને નવા-નવા અલગ ફીચર જોવા મળે છે. પણ શું તમને ખબર છે કે ટેલિગ્રામમાં પણ નાઈટ મોડનો ઓપ્શન જોવા મળે છે.

આજે આપણે આ પોસ્ટમાં જાણીશું કે ટેલિગ્રામમાં નાઈટ મોડ કેવી રીતે ચાલુ કરી શકીએ? એ પણ હું તમને સહેલી રીતમાં સમજાવીશ. જો તમે તમારા ડેસ્કટોપમાં પણ ટેલિગ્રામ વાપરતા હોય તો તેની રીત પણ અહી બતાવેલ છે.

ટેલિગ્રામમાં નાઈટ મોડ ચાલુ કરવાની રીત

એન્ડ્રોઇડ મોબાઈલ એપ માટે:-

• ટેલિગ્રામ એપ ખોલો. તમારા મોબાઇલમાં Telegram એપ ખોલો, જો તમારે તેને ડાઉનલોડ કરવાની હોય તો તેને ગૂગલ પ્લેસ્ટોર પરથી ડાઉનલોડ કરી શકો છો. 

• ડાબી બાજુ ત્રણ આડી લીટી પર ક્લિક કરો. હવે ઉપર ડાબી બાજુ તમને 3 આડી લીટી દેખાશે તો તેના પર ક્લિક કરો.

• ઉપર જમણી બાજુ ચંદ્રના આઇકન પર ક્લિક કરો. 3 આડી લીટી પર ક્લિક કર્યા બાદ એક નવું સેક્શન ખુલશે જેમાં ઉપર જમણી બાજુ એક ચંદ્રનો આઇકન હશે તો તેના પર ક્લિક કરો.

• હવે નાઈટ મોડ ચાલુ થઈ જશે. આવી રીતે તમારા ટેલિગ્રામ મોબાઇલ એપમાં નાઈટ મોડ ચાલુ થઈ જશે. જો તમારે તેને બંધ કરવું છે તો આ સ્ટેપને તમે ફરી અનુસરો એટલે નાઈટ મોડને તમે બંધ કરી શકશો.

ટેલિગ્રામ ડેસ્કટોપ વર્ઝન માટે:-

• ટેલિગ્રામ ખોલો અને 3 આડી લાઇન પર ક્લિક કરો.  તમારા કોમ્પુટર કે લેપટોપમાં ટેલિગ્રામનું ડેસ્કટોપ વર્ઝન ખોલો અને તમને ઉપર ડાબી બાજુ ખૂણામાં 3 આડી લીટી દેખાશે તો તેના પર ક્લિક કરો અને એક નવું સેક્શન ડાબી બાજુમાથી ખુલશે.

• નીચેથી નાઈટ મોડના ઓપ્શનને ચાલુ કરો. તમને સેટિંગ્સની નીચે જ Night Mode ઓપ્શન જોવા મળશે તો તેના પર ક્લિક કરો.

• નાઈટ મોડ ચાલુ થઈ જશે. આવી રીતે તમારા ટેલિગ્રામ ડેસ્કટોપ વર્ઝનમાં પણ નાઇટ મોડ ચાલુ થઈ જશે.

આશા છે કે તમને આ પોસ્ટ પસંદ આવી હશે અને તમને પોતાના ટેલિગ્રામમાં નાઈટ મોડ ચાલુ કરતાં આવડી ગયું હશે. તમે પોતાના મિત્રોને પણ આ પોસ્ટ શેર કરો જેથી તેમણે પણ આ નાઇટ મોડને ચાલુ કરવાની રીત જાણવા મળે.

અમારી અન્ય પોસ્ટ પણ વાંચો:-

🔗 ગૂગલમાં ડાર્ક મોડ કેવી રીતે ચાલુ કરવો?

🔗 ક્વોરા પર ડાર્ક મોડ કેવી રીતે ચાલુ કરવો?

🔗 વોટ્સએપમાં ડાર્ક મોડ કેવી રીતે ચાલુ કરવો?