ઉબન્ટુ શું છે? જાણો આ લોકપ્રિય ઓપરેટિંગ સિસ્ટમ વિશે!

દુનિયામાં કમ્પ્યુટર માટે ઘણા લોકપ્રિય ઓપરેટિંગ સિસ્ટમ છે જેમાં “ઉબન્ટુ (Ubuntu)” ઓપરેટિંગ સિસ્ટમનું નામ પણ શામેલ છે.

ઉબન્ટુ વિશ્વના લોકપ્રિય ઓપરેટિંગ સિસ્ટમની શ્રેણીમાં આવતું એક લિનક્સ-આધારિત ઓપરેટિંગ સિસ્ટમ છે જે પોતાની સરળતા અને સુરક્ષા માટે જાણીતું છે.

આ ઓપરેટિંગ સિસ્ટમનો ઉપયોગ ડેવ્લોપર ખૂબ વધારે કરતાં હોય છે. ઉબન્ટુ OS ઓપન સોર્સ છે જેના કારણે તમે તેને મફતમાં ડાઉનલોડ અને ઉપયોગ કરી શકો છો.

આ પોસ્ટમાં આપણે જાણીશું કે ઉબન્ટુ શું છે, તેનો ઇતિહાસ અને તેના ફીચર્સ પણ જાણીશું.

ઉબન્ટુ શું છે? – What is Ubuntu in Gujarati?

ઉબન્ટુ એક લિનક્સ આધારિત ઓપરેટિંગ સિસ્ટમ છે જેની શરૂઆત વર્ષ 2004માં કમ્પ્યુટર માટે કરવામાં આવી હતી. આ ઓપરેટિંગ સિસ્ટમ ખાસ કમ્પ્યુટર માટે બનાવવામાં આવ્યું છે.

UK ની Canonical નામની સોફ્ટવેર કંપનીએ આ OS ને લિનક્સની મદદથી બનાવ્યું છે. ઉબન્ટુ ઓપન સોર્સ હોવાથી તેને ડાઉનલોડ અને ફ્રીમાં ઉપયોગ કરી શકાય છે.

ડેસ્કટોપ અને સર્વર બંને માટે આ OS કામ કરે છે.

ઉબન્ટુ OS તેની સરળતા માટે પણ જાણીતું છે અને તે ઓપન સોર્સ છે. આમાં તમે વેબ બ્રાઉઝિંગ, ઓફિસ માટેના એપ્લિકેશન, મીડિયા પ્લેયર અને ઘણા અલગ-અલગ સોફ્ટવેરનો ઉપયોગ કરી શકો છો.

આ OS સુરક્ષિત હોય છે અને તેને સુરક્ષિત રાખવા માટે તેમાં રેગ્યુલર અપડેટ અને પેચ દ્વારા તેની સુરક્ષા વધારવામાં આવે છે.

ઉબન્ટુ ઇતિહાસ – History of Ubuntu in Gujarati

ઉબન્ટુની શરૂઆત ઓક્ટોમ્બર 2004માં Canonical નામની UK આધારિત સોફ્ટવેર કંપની દ્વારા કરવામાં આવી હતી અને આ કંપનીની શરૂઆત Mark Shuttleworth દ્વારા કરવામાં આવી છે જેઓ દક્ષિણ આફ્રિકાના છે.

આ OS નું નામ “Ubuntu” કમ્યૂનિટી, કરુણા અને માનવતાને સંબોધિત કરે છે અને આ ફિલોસોફીને ધ્યાનમાં રાખીને જ આ OS ને બનાવવામાં આવ્યું હતું.

ઉબન્ટુનું પહેલું વર્ઝન ડેબિયન લિનક્સ ઉપર આધારિત હતું અને લોકો લિનક્સનો સરળતાથી ઉપયોગ કરી શકે એ માટે ઉબન્ટુ OS નું નિર્માણ લિનક્સની મદદથી કરવામાં આવ્યું છે.

ત્યારબાદ આ OS ની લોકપ્રિયતા ઘણી વધતી ગઈ અને અત્યારે લિનક્સ આધારિત OS માં આ લોકપ્રિય OS ની લિસ્ટમાં આવે છે.

ઉબન્ટુની મુખ્ય વિશેષતાઓ – Features of Ubuntu in Gujarati

ચાલો ઉબન્ટુની થોડી વિશેષતાઓ જાણીએ.

• ઉબન્ટુ OS માં તમને એક સરસ મજાનો સારો યુઝર ઇન્ટરફેસ જોવા મળે છે જેના કારણે તમને એક જગ્યા પરથી બીજી જગ્યા પર નેવિગેટ કરવા માટે સરળતા રહે છે.
• તમને પહેલાથી ઇન્સ્ટોલ થયેલા ઇન-બિલ્ટ સોફ્ટવેર પણ જોવા મળે છે જેમ કે ઓફિસ સોફ્ટવેર, મીડિયા પ્લેયર અને વેબ બ્રાઉઝર વગેરે.
• ઉબન્ટુને તમે તમારી જરૂરિયાત પ્રમાણે કસ્ટમાઇઝ કરી શકો છો.
• ઉબન્ટુ OS એક ઓપન સોર્સ પ્લૅટફૉર્મ છે જેના લીધે તેનો કોડ તમને ફ્રીમાં ઉપયોગ કરવા માટે મળે છે.

ઉબન્ટુ સાથે શરૂઆત કેવી રીતે કરવી? – How to start with Ubuntu in Gujarati?

જો તમારે ઉબન્ટુ OS નો ઉપયોગ તમારા કમ્પ્યુટરમાં કરવું હોય તો તમે તે સરળતાથી કરી શકો છો.

• સૌપ્રથમ તેની ISO ફાઇલ ઉબન્ટુની વેબસાઇટ પરથી ડાઉનલોડ કરો.
• પછી તેને USB ડ્રાઇવમાં બૂટ કરો.
• હવે તે USB ડ્રાઇવની મદદથી તમે આ OS ને તમારા કમ્પ્યુટરમાં ઇન્સ્ટોલ કરીને ઉપયોગ કરી શકો છો.

વારંવાર પૂછાતા પ્રશ્નો – FAQ

નિષ્કર્ષ

ઉબન્ટુ એક ખૂબ જ શક્તિશાળી, યુઝર માટે ઉપયોગી અને સુરક્ષિત OS છે જે Linux ની મદદથી બનાવવામાં આવ્યું છે. તમે તેનો ઉપયોગ વ્યાવસાયિક રીતે અથવા વ્યક્તિગત ઉપયોગ માટે કરી શકો છો.

આશા છે કે આ પોસ્ટ તમને ઉપયોગી થશે.

તમારો ખૂબ આભાર.